ಜಿಪ್ಸಿ ಜೀತು

ಕರ್ನಾಟಕದ ಪುಟ್ಟ ಹಳ್ಳಿಯಾದ ಮಲ್ಲಿಗೆಪೇಟೆಯಲ್ಲಿ ನಾಪತ್ತೆ ಪ್ರಕರಣವೊಂದು ಅಚಾನಕ್ಕಾಗಿ ಸದ್ದು ಮಾಡುತ್ತದೆ. ಕಾದಂಬರಿಯ ಕಥಾನಾಯಕನಾದ, ತನ್ನ ಗೆಳೆಯರ ಬಳಗದಲ್ಲಿ ಜೀತೂ ಎಂದೇ ಕರೆಯಲ್ಪಡುವ 11 ವರ್ಷ ಪ್ರಾಯದ ಅಜಿತ್ ಏಕಾಏಕಿ ಕಾಣೆಯಾಗಿದ್ದಾನೆ. ಪ್ರವಾಸ-ತಿರುಗಾಟಗಳಲ್ಲಿ ವಿಪರೀತವೆಂಬಷ್ಟು ಒಲವಿದ್ದ, ಆದರೆ ಶಿಸ್ತಿನ ಬಾಲಕನಾಗಿದ್ದ ಜೀತು ಹೀಗೆ ಕಾಣೆಯಾಗುವುದೇ ಒಂದು ವಿಚಿತ್ರ. ಜೀತೂನ ಸಹಪಾಠಿಗಳೂ, ಖಾಸಾ ಗೆಳೆಯರೂ ಆಗಿದ್ದ ಸಬಾ, ರಿಷಿ ಮತ್ತು ಚಿಂಟುರನ್ನೊಳಗೊಂಡಂತೆ ಇಡೀ ಮಲ್ಲಿಗೆಪೇಟೆಯನ್ನೇ ಅಚ್ಚರಿಯಲ್ಲಿ ಕೆಡವಿತ್ತು ಈ ಘಟನೆ.

ಅಷ್ಟಕ್ಕೂ ಈ ಜೀತು ಎಲ್ಲಿ ಮಾಯವಾಗಿದ್ದ? ಅವನು ಅಪಾಯದಲ್ಲಿದ್ದನೇ? ಕಾಣೆಯಾಗಿದ್ದ ಜೀತೂನನ್ನು ಹುಡುಕಲು ಅವನ ಗೆಳೆಯರಾದ ಸಬಾ, ರಿಷಿ ಮತ್ತು ಚಿಂಟು ಯಶಸ್ವಿಯಾದರೇ? ತಮ್ಮ ಗೆಳೆಯನ ಪತ್ತೆಗಾಗಿ ಮಲ್ಲಿಗೆಪೇಟೆಯ ಈ ಮೂವರು ಗೆಳೆಯರು ಸ್ಥಳೀಯ ಪೋಲೀಸರೊಂದಿಗೆ ಹೇಗೆ ತನಿಖೆಯಲ್ಲಿ ತೊಡಗಿಸಿಕೊಂಡರು? ಇಂಟರ್ನೆಟ್ ಮತ್ತು ಸೋಷಿಯಲ್ ಮೀಡಿಯಾಗಳೆಂಬ ಹೊಸ ಹಾದಿಗಳನ್ನು ಈ ಮಿಸ್ಸಿಂಗ್ ಪ್ರಕರಣದಲ್ಲಿ ಮಲ್ಲಿಗೆಪೇಟೆಯ ಪೋಲೀಸರು ಮತ್ತು ಚಿಣ್ಣರು ಹೇಗೆ ಬಳಸಿಕೊಂಡರು?

ಗೆಳೆತನ, ಸಾಹಸ, ಸಮಯಪ್ರಜ್ಞೆ, ತಂತ್ರಜ್ಞಾನ... ಇತ್ಯಾದಿಗಳ ಸುತ್ತ ತೆರೆದುಕೊಳ್ಳುವ ಜೀತು ಮತ್ತು ಗೆಳೆಯರ ರೋಚಕ ಕಾದಂಬರಿ...

ಓದಿ "ಜಿಪ್ಸಿ ಜೀತು"...